நபி வழி திருமணம் கொடிக்கால்பாளையம் (18/08/2013)

Posted by Kodikkalpalayam on Monday, August 19, 2013

அல்லாஹ்வின் மாபெரும் கிருபையால் திருவாரூர் மாவட்டம் கொடிக்கால்பாளையம் கிளையில் நபிவழித் திருமணம் தவ்ஹீத் பள்ளிவாசலில் 18/08/2013 (இன்று) காலை 11.30க்கு நடைபெற்றது. இத்திருமணம் மிகவும் எளிமையாகவும், மற்ற திருமணத்தில் நடக்கும் அலங்காரம் , வீண்விரையம் , ஊர்வலம் .. போன்ற அனாச்சாரங்கள் இல்லாமல் நடைபெற்றது. (புகழனைத்தும் அல்லாஹுவுக்கே....!)

                                             
இதில் சகோ: முஹம்மத் பருஜ் (TNTJ மாவட்ட தாயி) அவர்கள் நபிவழித் திருமணம் பற்றிய தெளிவான குர்ஆன் ஹதீஸ் அடிப்படையில் உரையாற்றினார்கள். பின்னர் பொதுவான இரண்டு சாட்சியங்களுடனும் மணமகன் மற்றும் மணமகள் ஒப்புதலுடனும் எளிமையான முறையில் திருமணம் நடைபெற்றது. மணமகன் மஹராக 5 பவுன் தங்க நெக்லஸ் மணமகளுக்கு கொடுத்தார். இதில் அதிகமான சகோதரர்கள் கலந்து கொண்டார்கள் மற்ற திருமணங்களில் நடக்கும் இறைதூதர் (ஸல்) காட்டி தராத துஆக்களை புறக்கணித்து ..
                                              
நபி (ஸல் ) காட்டி தந்த (பாரகல்லாஹு லக்க) துஆவை ஒவ்வொருவரும் மணமக்களுக்காக பிராத்தித்தார்கள். இறுதியாக ஒவ்வொருவரும் சபையை விட்டு கலைந்து செல்லும் துஆ ஓதியவர்களாக பள்ளிவாசலில் வழிமா விருந்து வழங்கப்பட்டு கலைந்து சென்றனர் அல்ஹம்துலில்லாஹ்!